एसएलसी नतिजाः परीक्षा बोर्ड बैठक सुरु

भक्तपुर, अषाढ ६ -
एसएलसी नजिता प्रकाशनका लागि परीक्षा बोर्डको बैठक
सुरु भएको छ ।
बोर्ड बैठकमा शिक्षा सचिव शंकर पाण्डे,
शिक्षा विभागका महानिर्देशक लवदेव
अवस्थी, पाठ्यक्रम विकास केन्द्रका चित्र
देवकोटा, क्षेत्रिय शिक्षा निर्देशक
देवकुमारी हुमागाईँ सहभागी छन् ।
.....
परीक्षा नियन्त्रक सूर्य गौतमले
एसएलसीको नतिजा सोमबार दिउँसो साँढे
चार बजे प्रकाशित गरिने जनाएका छन् ।
यसका लागि परीक्षा नियन्त्रकको कार्यालयले
बिहानै देखि तयारी सुरु गरेको छ ।
सोमबार बिहान सरोतले
केही विद्यार्थीको एक दुई नम्बर नपुगेर
फेल
भएको पाएपछि पुनः उसको कापी खोजेर
हेर्ने काम भइरहेको उल्लेख गर्दै
दिउँसोसम्ममा प्रकाशित गर्ने
बताएका थिए । परीक्षा नियन्त्रक
गौतमले बिहानै
सुरक्षाको व्यवस्था गरिदिन प्रहरीलाई
समेत जानकारी गराएका थिए ।
‘आज तीन बजे नतिजा निकाल्ने भनेर
परीक्षा नियन्त्रकले सुरक्षा माग गर्नु
भएको छ,’ महानगरीय प्रहरी बृत
ठिमीस्थित प्रहरी स्रोतले भने, ‘टोली दुई
बजेदेखि नै खटिनेछन् ।’
यस बर्ष मुलुकभरबाट ४ लाख ९६ हजार २
सय ४३ जना बिद्यार्थी सहभागी छन् ।
जसमा नियमित तर्फ छात्र दुई लाख २९
हजार सात सय ९१ जना र छात्रा दुई
लाख ६ हजार ६ सय २० जना रहेका छन् ।
एक्ज्याम्टेड तर्फ छात्र २५ हजार आठ सय
पाच जना, छात्रा ३४ हजार २७ जना छन्
। खुल्ला विद्यालयका आठ हजार एक सय
४० जना जसमा छात्र चार हजार पाच सय
७८ र छात्रा ३ हजार ६ सय ६२
जना छन् । परीक्षा १० चैत्रदेखि सुरु भई
१८ गतेसम्म भएको थियो ।

राष्ट्रिय जनगणना आजदेखी सुरु

काठमाडौ, अषाढ ३ - एघारौं राष्ट्रिय
जनगणना शुक्रबार देशभर सुरु हुँदैछ ।
जनगणनाको पहिलो लगत
राष्ट्रपति रामवरण यादव
परिवारको लिइनेछ ।
जनगणनाका लागि विभागले साढे ८ हजार
सुपरिवेक्षक र ३४ हजार गणक खटाएको छ
। राष्ट्रपति, उपराष्ट्रपति र
प्रधानमन्त्री परिवारको विवरण
केन्द्रीय तथ्यांक विभागका महानिर्देशक
उत्तमनारायण मल्लले लिनेछन् भने
त्यसको सुपरिवेक्षक योजना आयोगका सचिव
युवराज भुसाल रहनेछन् ।'सबै
तयारी पूरा भएको छ,' महानिर्देशक मल्लले
कान्तिपुरसित भने ।
सुपरिवेक्षक र गणकले राष्ट्रिय
जनगणनाको लोगो अंकित झोला, छाता,
प्रश्नावली, परिचयपत्रसहित घर-
घरमा पुगेर प्रत्येक परिवार र
व्यक्तिको विवरण लिनेछन् । प्रत्येक
परिवारका लागि ५०
वटाभन्दा बढी प्रश्न सोधिने र उक्त लगत
भर्न ३० मिनेटभन्दा बढी समय लाग्ने
जानकारी मल्लले दिए ।
देशभर ८० जिल्ला कार्यालय र साढे तीन
सय इलाका जनगणना कार्यालय
स्थापना गरिएका छन् ।
पहिलो चरणमा जेठ १ देखि १८ गतेभित्र
घरपरिवार सूचीकरण सम्पन्न भइसकेको छ ।
त्यसैका आधारमा असार ३ देखि १३
गतेभित्र मुख्य चरणको जनगणना सम्पन्न
हुनेछ । यसैबीचमा असार ८ गते
जनगणना दिवससमेत मनाइनेछ । त्यस दिन
प्रधानमन्त्री झलनाथ खनालले
थापाथलीस्थित
विभागको हातामा निर्मित
'जनगणना स्मारक स्तम्भ' अनावरण गर्नेछन्
। 'जनगणना दिवस सार्वजनिक बिदा भए
पनि गणकहरू आफ्नो कार्य क्षेत्रमै व्यस्त
रहने छन्,' विभागका निर्देशक रुद्र सुवालले
भने, 'चार जना गणक बराबर एक
जना सुपरिवेक्षक साथमा रहने छन् ।'
'जनगणनाले देश र नागरिकको वास्तविक
स्थिति झल्काउने र भावी सन्ततीको हित
हुने भएकाले सबैलाई सहभागी हुन आह्वान
गर्छु,' जनगणनाप्रति भ्रम नपर्न आग्रह
गर्दै मल्लले भने, 'यो तथ्यांक
जनगणनाका निम्तिमात्र प्रयोग हुन्छ ।
व्यक्तिगत विवरण गोप्य राखिन्छ । त्यसैले
घरबहालमा बसेकाले
पनि जनगणनामा सहभागी हुन र घरधनीले
पनि यथार्थ विवरण दिलाउन अनुरोध गर्छु
।' तथ्यांक ऐन, २०१५ अनुसार
जनगणनामा लिइने हरेक व्यक्तिको लगत
गोप्य राखिनेछ ।
सहरी क्षेत्रका गणकलाई कार्य
क्षेत्रको नक्सासहित खटाइएकाले गुणस्तर
वृद्धि हुने दाबी विभागले गरेको छ ।
यो वर्ष पहिलोपटक
गाविसस्तरको साक्षरता, मातृ मृत्यदर,
तेस्रो लिंगी र विदेशमा रहेकाको विवरण
लिन लागिएको मल्लले जनाए ।
जनगणनाका लागि १ अर्ब १८ करोड
रुपैयाँ बजेट व्यवस्था गरिएको छ ।
१९६८ सालमा पहिलो पटक
जनगणना लिइएको थियो । त्यसयता हरेक
दस वर्षमा जनगणना गरिँदै आएको छ ।
जनगणनाका लागि सबै जिल्लामा नागरिक
पर्यवेक्षक खटाइएका छन् । ती पर्यवेक्षकले
जनगणनाका निम्ति खटाइने
गणकको भूमिका र
सर्वसाधारणको चेतनास्तरबारे अवलोकन
गर्ने छन् ।

हेभी हिप्सले स्मरणशक्तिमा कमी

हेभी हिप्सले स्मरणशक्तिमा कमी
काठमाडौ, जेष्ठ १४ - ठूलो नितम्ब मन पराउने महिलावृन्द, यो खबर सुखद् छैन । हेभी हिप्सले स्मरणशक्तिमा प्रभाव पर्छ । हेभी हिप्स भएका महिलाहरूको सोच्न/ सम्भिmने शक्ति कमजोर हुन्छ । जर्नल अफ द अमेरिकन गेरियाटि्रक्स सोसाइटीमा प्रकाशित यो अनुसन्धानमा तीक्ष्ण मस्तिष्कका लागि उपयुक्त तौलको महत्त्वबारे उल्लेख छ । विशेषज्ञहरूका अनुसार कमर छेउछाउ तौल बढ्नाले क्यान्सर, मधुमेह र मुटु रोग हुने जोखिममा वृद्घि हुन्छ । उक्त अनुसन्धानमा के भनिएको छ भने नितम्बको आकार ठीकठीकै रह्यो भने, वा हिप धेरै तौलको भएन भने मस्तिष्क बढी सुरक्षित हुन्छ । महिलाको पेटछेउछाउ जम्मा हुने बोसोले ओस्ट्रोजोन हार्मोन बनाउँछ । यो हार्मोनको उत्पादन महिनाबारी रोकिएपछि कम हुन्छ । यो हार्मोन मस्तिष्कका लागि सहयोगी हुन्छ । उक्त अनुसन्धानमा ती महिलाहरूको स्मरणशक्ति सबैभन्दा बढी खराब पाइयो जसको कम्मर सानो र नितम्ब ठूलो थियो ।